[香港美食] SAVVY 矚目登場 @ SAVVY (尖沙咀)

最近大家有否路過海港城既日本麵包名店嵜本, 會否也察覺到隔離一直圍封既鋪位, 最近終於揭開神秘面紗喇, 是籌備已久既型格餐廳 SAVVY, 急不及待與幾位友人來觀摩一下

一人門口已被現場氛圍所吸引, 先看到的是酒吧區, 再走進便是主用餐區, 位置相當寬敞, 晚市暫以半自助型式應市, 長長的自助餐桌就擺滿了各式各樣既頭盤小吃, 還有海鮮冷盤及東南亞小吃等

半自助餐型式除了任吃頭盤外, 當然有自選主菜環節及SAVVY餐車精緻甜點, 價錢為$468起, 主菜選擇也十分多, 中式日式東南亞菜一應俱全, 還有多款西式主食, 差不多能滿足不同口味, 當然, 東南亞菜絕對是這裡其中的主打菜式!

小丸 選了 紅燒鮑魚配時菜鮮菇及炒飯 (+$48),  鮑魚十分有咬口, 煙韌又鮮甜, 而炒飯亦見功架, 飯粒晶瑩富米香

比利 則選了 澳洲和牛配意大利青瓜, 紫薯蓉及黑椒汁(+$68), 和牛扒煎得恰到好處, 外層帶點脆身, 通紅的牛肉則煙韌有緻, 牛味香濃, 特別之處是配以較甜的紫薯蓉, 可去一點油膩感, 非常滿意的一道~

朋友也選了攞盤美輪美奐既 印度傳統拼盤配薄餅, 單看所用的盛器已知誠意十足, 據知這裡的印度大廚有過百款的香料, 每天輪流供應侍客,  六個小盤盛載的食物均見心思, 包括雜菜, 芝士, 雞件和海鮮等, 每款咖喱在細味之下亦見不同之處, 朋友相當滿意, 偷吃了一件椰香雞, 果真肉質嫩滑, 味道芳香, 而咖喱角配以薄荷汁亦非常好吃, 喜歡印度菜的朋友不要錯過

是晚還品嚐了招牌的 大頭蝦冬蔭公, 這裡製法是超特別的, 上層放滿煲煮冬蔭功的各款食材, 包括香芧檸檬葉等, 下層則是預先餚好的鮮湯, 再以虹吸原理, 用熱力製造氣壓將鮮湯逼往上層, 並與各食材混合, 將食材最原始的味道帶入湯中, 湯頭入口果真非常濃郁, 味道層次亦十分豐富, 帶一點辣勁, 當然, 大頭蝦是絕對不能錯過的, 既爽口又鮮甜! 推薦! 

看到甜品車緩緩駛過來, 就知甜品環節即將開始, 七款蛋糕均由專業餅廚主理, 各富特色

其中這個 檸檬 就最得 小丸 歡心, 外表是檸檬, 其實是白朱古力慕絲, 並加入檸檬汁和熱情果汁, 非常醒胃

比利則比較喜歡較重口味的 Mont Blanc, 粟子甜香非常濃郁, 又令人想起日本的各款粟子蛋糕甜品了 (幾時可以出發!?!?!?) 

除此以外, 還有雪白的 Snow Melt 及 Earl Grey, 更有經典的 藍莓, 簡直會令甜姐兒雀躍萬分

地址: 尖沙咀海港城港威商場3樓GW 3209A
電話: 2113 6188

食物: 35/40

環境: 18/20

服務: 18/20

價錢: 15/20

推介指數: 86/100