早前聽說 凱悅軒 有新攪作, 逢星期三晚推出半自助晚餐型式既「放題盛宴」, 而且有齊龍蝦鮑魚和牛等任點任食, 好似挺吸引, 便約齊一班朋友是夜來到此尖沙咀凱悅酒店中菜廳一試究竟
看餐牌, 名為放題盛宴既半自助晩餐, 前菜湯品和甜點會按人數安排, 而五道主菜則是任點任吃, 先來品嚐兩款前菜, 其中一款是比利十分期待既 蜜汁叉燒, 邊脆肉嫩, 蜜味香濃, 果然是招牌菜, 足夠我們一行12人享用
另一款是挺特別既 涼拌川味羊肚耳菌, 薄身既羊肚菌帶點輕輕的辣勁, 非常爽口, 清新又帶點刺激感, 令人胃納大開
每位一客既 菜膽燉雞, 湯頭清澈得來雞味濃郁純厚, 雞肉還挺嫩滑的, 不過建議大家要留肚, 因為好戲在後頭喔~
主菜任食環節, 是四菜一飯既組合, 第一輪先會按人數準備份量(如有特別需要可與侍者溝通), 之後再按需要加點, 全部都是即叫即做 
陳年花雕蒸波士頓龍蝦伴粉皮
雖是任食, 但烹調方面一點都不馬虎, 開邊龍蝦即叫即蒸外, 還加入了陳年花雕等煮理, 龍蝦肉爽口鮮甜, 帶着花雕酒香, 味道層次更豐富, 沾滿醬汁既粉皮, 盡吸精華, 同樣不能錯過
再來小丸至愛既 椒鹽鮑魚, 入口還是熱辣辣的, 鮑魚爽彈鮮甜, 非常惹味, 就是連炸蒜也是非常好吃, 吃完即便全枱追加!!!
愛吃魚既比利, 也特別喜愛這味 秘製剁椒蒸斑腩, 切件斑腩, 魚肉味尤其香濃, 剁椒更多添一份少辣香, 好此道者會吃不停口 
是夜最驚喜的, 必數這味 山椒汁菌澳洲和牛, 和牛片軟糯得來又有嚼勁, 一點不韌, 大廚功架一流, 加上牛肉本身味道香濃, 實在不可錯過, 而菇菌也非常香口惹味, 這道菜很快便清碟了
最後侍者送來一小碗 蔬菜雞蛋炒絲苗, 飯粒晶瑩富米香, 簡單好吃, 想追加但胃納有限, 已經無能為力了 
甜品二選一, 薑茶黑芝麻湯圓 其實已經不俗, 薑茶香濃, 芝麻湯圓亦有豐富芝麻香氣, 不過, 另一款黑芝麻雪糕丨豆奶泡沫 實在太出色了, 以豆奶打成的泡抹蓋着香濃芝麻雪糕, 味道匹配, 既精緻又好吃
不只, 這半自助餐同時是 紅酒白酒任飲!!!
温馨提示, 「放題盛宴」逢星期三晚供應, 需兩位以上, 成人$688, 小童$348, 我們來的這一晚是滿座的, 有興趣既朋友強烈建議提早訂枱
